Гучы беларускае слова ў родным садку
Пад такой назвай напярэдадні свята Раства Хрыстова, 6 студзеня, прайшоў конкурс на лепшае выкананне вершаваных твораў на беларускай мове для нашых выхаванцаў.
У мерапрыемстве прынялі ўдзел дзеці сярэдняга і старшага ўзростаў. Вельмі прыемна было слухаць беларускае слова з дзіцячых вуснаў.
Паказалі ўзор мілагучнасці нашай роднай мовы педагогі: кіраўнік фізічнага выхавання Людміла Ўладзіміраўна Ваянец прачытала ўрывак з паэмы Якуба Коласа “Новая зямля”, а музычны кіраўнік установы Ірына Анатольеўна Шпакоўская праспявала для ўсіх вясёлую беларускую народную песню “Ой, за гаем, гаем”. Ўдзельнікі платных гурткоў расквецілі конкурсную праграму дзіцячымі песнямі “Ладкі, ладушкі, прыляцелі птушкі”, “Цік-так ходзікі, мне чатыры годзікі”, і для ўсіх прысутных выступіў аркестр народных дзіцячых інструментаў.
Усе сем канкурсантаў атрымалі дыпломы за актыўны ўдзел у конкурснай праграме “Гучы беларускае слова ў родным садку”, якія ўручыла выхаванцам загадчык установы адукацыі Таццяна Анатольеўна Сарнаўская.
Яе пазнаю я яшчэ здаля,
Мне мілую, як родная зямля.
Гучыць напеўна, бы мелодыя
Гаворка беларуская!
