У госці да цёткі Алены
21 лістапада выхаванцы групы старэйшага ўзросту (№ 6) запрасілі сваіх бацькоў на вячоркі “У госці да цёткі Алены”. Тэатральна- музычная пастаноўка складалася з розных жанраў дзіцячага беларускага музычнага фальклору. Музычная зала была стылізавана пад беларускую хату нашых нядаўніх продкаў.
Дзеці разам з бацькамі мелі магчымасць дакрануцца да нашай нацыянальнай культуры, роднай мовы, да сялянскага побыту. Дзеці, удзельнікі фальклорнага свята, з вялікім задавальненнем і цікавасцю выконвалі беларускія народныя песні “Дударочак”, “Саўка ды Грышка”, “Спі, сыночак міленькі”, спявалі прыпеўкі, а таксама з лёгкасцю станцавалі “Нарэчаньку”, “Кросны” і ў танцы з рушнікамі паказалі прыгажосць, непаўторнасць, самабытнасць беларускага ткацтва і вышыўкі. Ролю цёткі Алены цудоўна выканала выхавацель гэтай жа групы Алена Анатольеўна Акуліч.
Ў заканчэнні вячорак цётачка Алена ўсім пажадала:
Хай вашы нівы буйна калосяць,
Хай вам буслы дзетак прыносяць,
Хац вам сонца свеціць ясна,
Каб жылося мірна і шчасна!
